Algengar spurningar

  • Allt sem þú þarft að vita um myPOS auðkenningarferlið á netinu

    1. Hvað er auðkenning á netinu?

    Auðkenning á netinu er ferli þar sem myPOS staðfestir auðkenni viðskiptavina sinna. Þetta er fljótlegt og einfalt ferli sem þér verður leiðbeint í gegnum.

    Það eina sem viðskiptavinur þarf til að fara í gegnum auðkenningarferlið er gilt nafnskírteini eða vegabréf með mynd. Athugaðu að þú þarft að sýna raunverulegt vegabréf eða skírteini, ekki afrit af því.

    2. Hvers vegna krefst myPOS auðkenningar á netinu?

    myPOS er löglega skylt að staðfesta auðkenni hvers og eins söluaðila, þar sem við erum greiðsluþjónustuveitandi, skráð í Bretlandi og lútum eftirliti breska Financial Conduct Authority. Auðkenning okkar á netinu er mikilvægur hluti stefnu okkar um könnun á áreiðanleika viðskiptavina. Ekki er hægt að fá undanþágu frá henni.

    3. Er auðkenning á netinu löglegt ferli?

    Já. Auðkenning á netinu er nýtt öryggisferli sem er að feta sína leið um allan heim. Í samræmi við 4. tilskipun ESB um baráttu gegn peningaþvætti er öllum stofnunum sem bjóða upp á fjármálaþjónustu skylt að staðfesta auðkenni þriðja aðila áður en stofnað er til viðskiptasambands.

    4. Hversu öruggt er auðkenningarferlið á netinu?

    Við höfum gert allar nauðsynlegar ráðstafanir til að meðhöndla persónuupplýsingar þínar á öruggan hátt. Auðkenningarferlið okkar notar gagnadulkóðun og geymslu á öruggum þjónum í Lúxemborg. Aðeins starfsfólk með stranga heimild getur haft aðgang að persónuupplýsingum þínum.

    5. Eru aðrar öryggisráðstafanir gerðar en auðkenning á netinu?

    myPOS gerir sitt besta til að bjóða öllum söluaðilum sínum upp á framúrskarandi öryggi á öllum aðgerðarsviðum. Til dæmis vöktum við hverja færslu og tilkynnum þér ef við höfum minnsta grun um sviksamlegt athæfi.

    6. Eru svona auðkenningarferli vinsæl?

    Þetta er nýstárlegasta leiðin til að skoða auðkenni einhvers og myPOS er leiðandi á þessi sviði þar sem við erum eitt fyrsta fyrirtækið í Evrópu sem notar þessa aðferð í dag.

    7. Hvernig fer ég í gegnum auðkenningarferlið?

    Til að auðvelda þér ferlið hefur myPOS einfaldað auðkenningu söluaðila, sem þarf nú aðeins að fara í gegnum fljótlegt ferli á netinu. Til að klára það þarftu að hafa gilt vegabréf eða nafnskírteini með mynd við höndina. Hafðu í huga að þú þarft að sýna vegabréfið þitt eða skírteinið - afrit af skjölunum gilda ekki.

    Hér er stutt yfirlit yfir auðkenningarferlið:

    • Tölvupóstur er sendur á tölvupóstfangið sem gefið er upp þegar sótt er um myPOS reikning, opnaðu tölvupóstinn og smelltu á hlekkinn til að staðfesta tölvupóstfangið þitt
    • Sæktu og settu upp myPOS farsímaappið á snjallsímann þinn
    • Ef þú ert ekki með myPOS reikning skaltu ýta á „Nýskráning“, ef þú ert með reikning skaltu smella á „Innskráning“ og slá inn upplýsingarnar þínar
    • Hafðu við höndina nafnskírteinið þitt eða vegabréf með mynd af þér (við tökum ekki við ökuskírteini sem skilríki, hægt er að reiða það fram sem viðbótarskjal fyrir auðkenningu) og ýttu á „Næst“
    • Gakktu úr skugga um að þú sért ein/einn og að þú hafir aðgang að áreiðanlegri þráðlausri eða gagnatengingu.
    • Þú munt sjá skjá þar sem þú getur valið á milli sjálfsauðkenningu og myndspjalls.

    Sjálfsauðkenning

    Fyrir neðan eru skrefin sem þarf að taka þegar þú velur sjálfsauðkenningu:

    • Eftir að hafa valið sjálfsauðkenningu þá biður næsti skjárinn þig um að velja ríkisfang og gerð auðkenningarskjala.
    • Appið mun biðja þig um að veita því aðgang að landafræðilegri staðsetningu þinni.
    • Þú getur nú hafist handa!
    • Þegar þú smellir á „Halda áfram“ mun appið biðja þig um aðgang að hljóðnema og myndavél.
    • Sjálfsauðkenningarferlið hefst á mynd af auðkenningarskjalinu sem þú valdir. Þú þarft að stilla skjalið innan rammans á skjánum, fyrst framhliðina og síðan bakhliðina. Þegar því er lokið mun síminn taka sjálfkrafa mynd af skjalinu. Athugaðu að myndin og allir hlutar skjalsins verða að vera vel sýnileg.
    • Þú getur tekið aðra mynd ef einhverjir hlutar myndarinnar eru óskýrir.
    • Næsta skref er að taka sjálfsmynd. Beðið verður um að þú setjir höfuðið innan hringsins á skjánum. Athugaðu að annað fólk ætti ekki að sjást í bakgrunninum. Þú færð einnig skriflegar leiðbeiningar ef þú þarft að færa höfuðið nær eða fjær skjánum til að taka sjálfsmynd, eða hvort þörf er á meiri lýsingu.
    • Skjár mun birtast sem hleður skjölunum þínum upp í kerfið. Ef uppfærslan tekst ekki meðan á þessu ferli stendur þarftu að fara aftur í gegnum sjálfsauðkenningarferlið.
    • Á lokaskjánum færðu tilkynningu um að verið sé að vinna úr skjölunum þínum og að þú munir fá tilkynningu þegar starfsfólk okkar er tilbúið.
    • Ef þörf er á sönnun á heimilisfangi færðu tölvupóst, tilkynningu og skilaboð í tilkynningahlutann á reikningnum þínum.
    • Vinsamlega athugaðu að við gætum beðið um viðbótarskjöl til þess að auðkenna fyrirtæki þitt og að fara í gegnum auðkenningu á söluaðila. Ef okkur vantar frekari upplýsingar eða gögn frá þér látum við þig vita innan 2-3 virkra daga.
    • Það er svona einfalt! Velkomin/n í myPOS fjölskylduna!

    Auðkenning með myndspjalli

    Fyrir neðan eru skrefin sem þarf að taka þegar þú velur auðkenningu með myndspjalli:

    • Þegar þú hefur valið auðkenningu með myndspjalli færðu samband við starfsmann myPOS sem mun leiðbeina þér í gegnum auðkenningarferlið.
    • Starfsmaðurinn mun biðja þig um að taka mynd af andlitinu þínu og auðkennisskjali.
    • Meðan á símtalinu stendur færðu einnig textaskilaboð á símann þinn með kóða. Láttu starfsmanninn vita þegar þú færð skilaboðin og lestu kóðann upp.
    • Starfsmaðurinn lætur þig vita ef þú kemst farsællega í gegnum auðkenninguna. Síðasta skrefið í ferlinu er að starfsfólk okkar skoðar skjölin sem þú veittir og mun hafa samband við þig innan 48 virkra klukkustunda.
    • Vinsamlega athugaðu að við gætum beðið um viðbótarskjöl til þess að auðkenna fyrirtæki þitt og að fara í gegnum auðkenningu á söluaðila. Ef okkur vantar frekari upplýsingar eða gögn frá þér látum við þig vita innan 2-3 virkra daga.
    • Það er svona einfalt! Velkomin/n í myPOS fjölskylduna!

    Var þessi grein gagnleg?

    Þakka þér fyrir ábendingarnar!

    Þakka þér fyrir ábendingarnar!

    Sendu okkur ábendingar

Hafðu samband við okkur

Við notum vafrakökur

Við notum vafrakökur og aðra eftirlitstækni til að bæta vefsíðuna okkar og veita gestum vefsíðu okkar markmiðaðar upplýsingar. Læra meira

Að öðrum kosti getur þú stillt vafrakökurnar þínar .

2-3