myPOS búnaður - þráðlaus kortalesari

Algengar spurningar

Algengar spurningar um auðkenningaraðferð með tilkynningu

  • Hvað er myPOS auðkenningaraðferð með tilkynningu?

    myPOS auðkenningaraðferð með tilkynningu gefur þér betri og öruggari leið til að auðkenna færslur þínar. Tilgangur hennar er að auka öryggisstigið sem við bjóðum upp á.

  • Hvað verður um hinar auðkenningaraðferðirnar, með textaskilaboðum og GateKeeper?

    Nýja auðkenningaraðferðin mun kom í staðinn fyrir auðkenningaraðferðir með textaskilaboðum og GateKeeper. Þú getur haft samband við okkur ef þú lendir í erfiðleikum.

  • Er ókeypis að nota nýju aðferðina?

    Já. Nýju auðkenningaraðferðinni fylgja nákvæmlega engin gjöld.

  • Hvernig virkar þessi aðferð?

    Aðferðin virkar á eftirfarandi hátt - hvenær sem þú reynir að skrá þig inn á reikninginn þinn, gera greiðslu, stjórna notendum eða framkvæma einhverja aðgerð sem þarfnast auðkenningar færðu tilkynningu á farsímann þinn til að auðkenna eða hafna aðgerðinni.

  • Hvernig nota ég nýju aðferðina?

    Það eru nokkur skref sem þú þarft að taka áður en þú getur notað nýju auðkenningaraðferðina:

    1. Tengdu tæki
      Fyrst þarftu að tengja farsímann þinn við myPOS reikning þinn. Þú getur gert það á eftirfarandi tvo vegu:

      • Skráðu þig inn á myPOS appið með því að nota tækið sem þú vilt nota fyrir auðkenningu (fá tilkynningar á)



      • EÐA settu tækið sem þú vilt nota fyrir auðkenningu (fá tilkynningar á) með því að ýta á „Setja sem auðkenningu“.



        Í þessi tilfelli líkist auðkenningarferlið innskráningarferlinu.

        1. Sláðu inn gilt tölvupóstfang og staðfestu með því að ýta á „Næst“.

        2. Sláðu síðan inn gilt lykilorð og ýttu á „Næst“.

        3. Þú munt þá fá einnota lykilorð með textaskilaboðum og eftir að þú hefur slegið inn rétt númer verður þér beint á nýja skjámynd.

        4. Þar slærðu inn lykilkóðann fyrir appið og þú staðfestir hann með því að ýta á „Vista“ hnappinn.

        5. Þú getur nú valið að komast inn í appið með fingrafarinu þínu eða valið „Sleppa“ til að nota aðeins lykilkóðann til að komast inn.

        6. Þú ættir nú að sjá nýja skjámynd sem sýnir þér að þú hafir lokið auðkenningarferlinu.

    2. Innskráning af vefsíðu

      Þegar þú skráir þig inn á myPOS vettvanginn í gegnum vefsíðuna okkar muntu sjá skilaboð sem segja að við höfum sent þér tilkynningu á tækið sem tengt er.

      Nokkrum sekúndum seinna mun tækið lýsast upp og biðja um heimild. Þú getur nú samþykkt innskráninguna eða hafnað henni.

      Ef þú auðkennir innskráninguna muntu sjálfkrafa fara á lesborðið á reikningi þínum á vefsíðunni, þar sem þú getur framkvæmt ýmsar aðgerðir varðandi innistæðu þína.

  • Get ég notað aðferðina með engum netaðgangi á tækinu mínu?

    Já. Það gætu komið upp aðstæður þar sem þú gætir hafa slökkt á tilkynningum á símanum þínum, nettengingin þín gæti verið lítil eða óstöðug eða þú hefur alls enga nettengingu á tækinu þínu.

    Í þessu tilfelli geturðu hafið auðkenningarmát án nettengingar á myPOS reikningi þínum með því að ýta á „Ég fékk ekki tilkynningu í myPOS appið mitt” skilaboðin. Þú munt þá fá 8 tölustafa kóða.

    Farðu svo inn í myPOS appið, smelltu á „Auðkenna“ (eða „Auðkenning“ ef snertiauðkenning er notuð til innskráningar), sláðu inn 8 tölustafa kóðann og ýttu á „Framkalla“ hnappinn.

    Appið mun framkalla nýjan kóða, sem þú verður að slá aftur í myPOS reikninginn þinn.

    Ýttu svo á „Staðfesta“ til að heimila aðgerðina. Þá er það komið!

  • Hvað gerist ef ég er ekki með tæki tengt til að fá auðkenningu?

    Þegar þú skráir þig inn á reikninginn þinn muntu sjá skjámynd sem biður þig um að tengja tæki. Fylgdu síðan skrefunum sem þar er lýst.

  • Hvernig heimila ég aðgerð?

    Þegar þú framkvæmir aðgerð inni á vefsíðu myPOS reiknings þíns, sem krefst aukalegrar auðkenningar, þarftu að heimila hana með tækinu sem tengt er.

    Skilaboð munu birtast á skjánum sem segja þér að þú ættir að athuga tengda tækið þitt til að staðfesta aðgerðina.

    Ef aðgerðin er heimiluð muntu sjá ný skilaboð, sem staðfesta heimildina.

    Ef þú hefur ekki fengið tilkynningu geturðu hafið ferli án nettengingar og fylgt sömu skrefunum.

    Athugið: Hverja aðgerð þarf að staðfesta innan 90 sekúndna, annars þarf að hefja aðgerðina aftur. Framkölluðu kóðarnir gilda einnig í 90 sekúndur. Ef sá tími rennur út framkallast nýr kóði sjálfkrafa.

  • Hvert get ég leitað ef upp koma vandamál með auðkenningaraðferðina?

    Ef þú lendir í vandræðum með auðkenningaraðferð okkar skaltu vinsamlega senda okkur tölvupóst í help@mypos.com og við aðstoðum þig með ánægju.

Bilanaleit

  • Tilkynningar á myPOS appinu eru óvirkjaðar.

    Lausn: Skráðu þig inn í appið >> smelltu á „Annað“ >> „Tilkynningar“ >> „Stillingar“ >> „Virkja tilkynningar“.

  • Tilkynningar eru óvirkjaðar í símastillingum.

    Lausn: Opnaðu símastillingar þínar >> „Smáforrit“ >> „myPOS“ >> „Tilkynningar“ >> „Virkja“.

  • Ég fæ engar tilkynningar á símann minn.

    Athugaðu rafhlöðustillingarnar á símanum þínum. Stundum komast tilkynningar ekki almennilega til skila vegna þeirrar stillingar sem rafhlaðan er á.

  • Hæg nettenging.

    Lausn:

    • skiptu úr 3G/4G yfir í Wi-Fi eða öfugt
    • notaðu einka Wi-Fi tengingu í stað almennrar tengingar
    • notaðu auðkenningu utan nets

  • Erfiðleikar með auðkenningu utan nets - kerfið samþykkir ekki framkallaða kóðann.

    Lausn: Athugaðu hvort þú hafir stillt tíma og dagsetningu á símanum handvirkt. Til að stilla þau við myPOS kerfið ættir þú að velja valmöguleikann „Stilla dagsetningu og tíma sjálfvirkt“.

  • Óuppfærð útgáfa af farsímaappi - þegar viðskiptavinir nota fyrri útgáfu af farsímaappinu fá þeir ekki tilkynningar og geta ekki notað auðkenningu utan nets þar sem kerfið okkar þekkir ekki framkallaða kóðann.

    Lausn: Uppfæra þarf appið.

  • Aðrir erfiðleikar með farsímaappið (ekki uppsett, appið aftengist eftir uppfærslu, gleymdur lykilkóði og/eða lykilorð).

    Lausn: Skiptu tímabundið yfir í textaskilaboð með því að hafa samband við þjónustuverið.

Var þessi grein gagnleg?

Þakka þér fyrir ábendingarnar!

Þakka þér fyrir ábendingarnar!

Sendu okkur ábendingar